Македонски Формула 1 Шампионат

НЕШТО ПОВЕЌЕ ОКОЛУ МАКЕДОНСКИОТ Формула 1 ШАМПИОНАТ

 

Доколку го отфрлиме победникот на првата трка, де-факто кој победил веднаш од прва, Душко Аврамовски, следни кои најбрзо победиле се: Тео Стојановски и Јасмин Идризовиќ на 2ра трка, Филип Галевски на 7ма, Ѓорѓи Ристовски на 9та, Дарко Јовановски на 20та и Дарко Ристовски на 21ва.  

 

Најубедлива победа извојува Тео Стојановски на 14.09.2014 во Силверстоун, Британија кога победи со дури 38 секунди предност пред својот тимски колега Дарко Ристовски. Првичниот рекорд беше поставен од Душко Аврамовски на првото Гран При во МК Ф1 историјата во Шпанија со разлика од нешто повеќе од 27 секунди пред Ѓорѓи Ристовски. 

 

До ден денес после 27 трки Душко Аврамовски е единствениот кој водел во секој круг па дури во два наврати, Шпанија и Канада 2013. 

 

Ѓорѓи Ристовски е првиот кој успеал да сврзе 2 пол позиции едно-подруго, следен од Тео Стојановски за да подоцна се приклучат Душко Аврамовски и Филип Галевски, рекорд кој сите четворица го делеа додека не сврза 6 пол позиции во низа оваа година Душко Аврамовски. 

 

Душко Аврамовски е првиот кој успеал да победи двапати во низа и трипати во низа, прв кој се приклучува на таа листа на победници од трка во трка е Филип Галевски а оваа година Дарко Ристовски кој влезе во фантастична форма откако претходно во својата 21ва трка ја извојува првата победа отиде доттаму да победи и 3пати во низа изедначувајќи се со рекордот на Душко Аврамовски поставен лани на Канада, Велика Британија и Италија, додека Дарко Ристовски годинава успеа во Монако, Германија и Канада. Последен и четврти кој успеал да победи во низа е и Дарко Јовановски кој после својата прва победа во Унгарија успеа да победи повторно во Австрија.

 

Ѓорѓи Ристовски во 2013 постави рекорд кој дури после трката во Австрија во 2014 беше надминат од Душко Аврамовски. Со 9 подиуми во низа. 

 

Дарко Ристовски е единствениот кој освен првата трка има освоено поени на сите преостанати 26 трки на кои се појавил. Овој рекорд е фантастичен! Во моментов не постои друг во МК Ф1 кој би можел да го загрози. Најголга низа на освоени трки во низа до претходната трка имаше Душко Аврамовски, дури 19 но и он откако ја заврши трката предвреме овој рекорд значи дека ке остане подолго. Имено, потребни би биле отприлика година ипол да се помине овој рекорд под услов Дарко Ристовски да не ја заврши наредната трка а од истата некој друг да почне да освојува поени во континуитет. 

 

Најмалата разлика за пол позиција изнесуваше 0.004 делови од секундата во Абу Даби лани помеѓу Филип Галевски и Душко Аврамовски, веднаш после таа најблиска битка е помеѓу браќата Ристовски, Дарко и Ѓорѓи во Монако истата година за разлика од 0.006.