Македонски Формула 1 Шампионат

Првиот виртуелен Формула 1 Шампионат во Македонија официјално заврши!

Се започна со трката во Шпанија на 12.05. за да заврши 7 месеци и 4 дена покасно на 16.12. После 7 месеци и 4 дена, напорни тренинзи, безброј кругови, квалификации и психо-физички едночасовни исцрпувачки трки, го добивме првиот шампион Душко Аврамовски кој ја отвори првата сезоната со пол позиција и победа од првиот до последниот круг, и до крајот остана единствен кој дури во две трки успеа да води во секој круг од трката и да победи на крајот.Со 8 победи(рекорд) 4 пол позиции 11 пати на подиумот(рекорд), 14/15 завршени трки Душко Аврамовски ја освои титулата со победа во Америка на 3 трки пред крајот пред Горги Ристовски кој до првата половина на шампионатот, заедно со Тео Стојановски му беа главни конкуренти за титулата.Ѓорѓи Ристовски имаше тажен рекорд да дури 6 пати во низа се искачи на подиумот а ниту еднаш да не ја освои победата, од кои дури 5 пати заврши втор! Тој својата прва и единствена победа ја забележа во Јапонија со битка до последниот свиок со неговиот брат Дарко Ристовски кој пак постави рекорд оваа сезона со 14 последователни трки како завршува во поени. Ѓорѓи Ристовски освои 2 пол позиции и се искачи на подиумот 9 пати.Тео Стојановски пак победи дури 3 пати и ја освои пол позицијата 3 пати истотака а се искачи на подиумот 6 пати кое на крајот се покажа сепак клучно, бидејќи не беше доволно за да го освои вице-шампионското место.Низ шампионатот се пријавија преку 20 учесници а низ сите тренинзи беа свртени севкупно преку 10.000 кругови. После лошиот старт Филип Галевски, кој истотака важеше за еден од водечките, не се појави на 3 трки за да се врати во Германија. Тој е единствениот после Д.Аврамовски да победи во низа, во Унгарија и на последната трка во Белгија каде забележа Хет-Трик на двете патеки, односно, ја освои пол-позицијата, извозе најбрз круг на патеката и победи на истата трка. Тој освои дури 5 пол позиции(рекорд) од 13 квалификациски сесии и победи на 3 од 12 трки. Тој на подиумот се искачи 5 пати.Дарко Јовановски е еден од повеќето кој се приклучија во текот на сезоната а единствен кој освоил поени на првата трка. Тој успеа да се искачи само еднаш на подиумот и беше во водство само два круга. Друг кој успеа само еднаш да се искачи на подиумот беше Антонио Иванов.Коди Никола беше најмалиот учесник со 13 години а најстариот неговиот татко. Тој успеа да освои 1 пол позиција и да се бори за победата до последните свиоци во Кореа, но ја изгуби таа битка од Душко Аврамовски. Се искачи на подиумот 3 пати од кои двапати како втор.Кај круговите во трка, Душко Аврамовски до трката во Америка беше речиси неприкосновен со дури 180 кругови во водство од можни 342 или во просек 52% од трките. Потоа следуваше фантастична серија на Филип Галевски кој во наредните 3 трки беше во 55 круга во водство. Душко Аврамовски 187, Филип Галевски 124, Тео Стојановски 62, Ѓорѓи Ристовски 21, Дарко Ристовски 18, Коди Никола 17, Дарко Јовановски 2 и Тимотеј Андоновски 1.

Доделувањето на наградите ќе се одржи на ден Петок(20.12) во 21 часот.